د ۱۵۰۰ موټرو د ټايرونو شکمن سوري کوونکی ونيول شو
۱۴۰۰ دی ۴, شنبه
د معلوماتو له مخې د آلمان د آندرناخ ښار د پوليسو یوه ویاند د دې پیښې پخلی کړی دی. عيني شاهدانو د څرګندونو له مخې ليدلي وو چې دغه سړی د پلايد په ښارګوټي کې د ټايرونو په سوري کولو بوخت وو. ټول ټال د څه باندې ۳۸۰ موټرو تقريبا ۱۵۰۰ ټايرونه خراب کړل شوي دي. د تقريبا ټولو موټرو څلور واړه ټایرونه سوري کړل شوي دي.
نيول شوی ۵۰ کلن سړي پوليسو ته د پخوانيو جرمي اعمالو له کبله معلوم وو، د نورو تر څنګ د شيانو د تخريب له کبله هم. د نيولو پر مهال د نوکانو يوه قيچي چې د ربړو پاتې شوني ورپورې نښتي وو او د مخ پټولو يو ماسک هم ورسره وموندل شول.
پوليسو د تخريب له کبله رامنځ ته شوی زيان د ۱۵۰ زرو يورو په شاوخوا اټکل کړی دی. د شکمن کس په وړاندې د شيانو د تخريب له کبله پلټنې پيل شوې دي. نوموړی دغه عمل تر اوسه پورې نه مني. دغه سړی به اوس يوه قاضي ته معرفي کيږي مخکې له دې چې د تحقيقاتي بند په هکله يې پرېکړه وشي.