په کانکور ازموينه کې د ګډونوالو شمېر ولې کم شوی دی؟

د رپوټونو له مخې، سږ کال په افغانستان کې د کانکور ازموینې د ګډونوالو شمېر د تېرو کلونو پرتله په بېسارې ډول کم وو. شنونکي په کانکور کې د کمو شمیرو لامل، د نجونو نه ګډون، اقتصادي ستونزې او د زدکړو ټیټ ظرفیت یادوي. د پخلاېنې په دې خپرونه کې مو پر دې موضوع په افغانستان کې د باختر پوهنتون له پخواني سرپرست او په جرمني کې د دوکتورا محصل بهیر ځلاند او د پوهنتون پخوانۍ استادې محبوبې اکبر سره بحث کړی دی.