د نجونو پر تحصیل د بندیز لرې کولو په اړه د کرزي ټینګار
۱۴۰۱ اسفند ۲۰, شنبه
اعلان
پخواني ولسمشر حامد کرزي په خپله ټویټرپاڼه لیکلي، چې د اروپايي ټولنې له شارژدافیرې رافایلا یودیچه سره په کتنه کې یې پر افغان کشاله خبرې کړي.
ښاغلي کرزي لیکلي: «په دې کتنه کې د دې سربیره چې د هېواد پر روان وضعیت خبرې وشوې، دواړو لورو د نجونو پروړاندې د ښوونځیو او پوهنتونونو پر پرانېستل کېدو ټینګار وکړ.»
کرزي زیاته کړې چې په خبرو کې، په افغانستان کې د تلپاتې سولې او ټیکاو په موخه د ملي خبرو اترو پر پيلېدو هم ټینګار شوی دی.
کرزي سربېره پر دې له افغانستان سره د بشري مرستو په برخه کې د اروپايي ټولنې له همکاریو مننه کړې.