قانون او قضاآسیا
هندوستان: جعلي شرابو تر ۲۰ ډیر کسان مړه کړي
۱۴۰۰ خرداد ۹, یکشنبه
اعلان
دغه خبر پرون شنبه (د می میاشتي ۲۹ مه) د اوترا پرادیش ایالت یوه حکومتي مامور ورکړ. په قربانیانو کي د الیګره کلي اکثره اوسیدونکو او د هغه د شاوخوا لیري ځایونو بزګران شامل دي.
ایالتي حکومت ویلي دي، چي په دې ارتباط یې پنځه کسه بندیان کړي او پنځه حکومتي مامورین یې هم د وظیفې څخه برطرفه کړي دی.
حکومت همدارنګه د دې قضیې د تحقیقاتو او پلټني امر ورکړی دی.
په هندوستان کي هرکال په سلهاوو کسان پدې دلیل مړه کیږي، چي هغوی ارزانه- تقلبي الکهول استعمالوي. دغه الکهول اکثرأ د میتانول سره ګډیږي، د داسي کیمیاوي موادو یو ترکیب، چي چښل او استعمال یې د انسانانو دپاره سخت خطرناکه دی.
آ./ا.ا.ق.ن