سياستپاکستان
په بیلا بیلو قضیو کې د عمران خان ضمانت وغځول شو
۱۴۰۲ خرداد ۱۰, چهارشنبه
اعلان
د پاکستاني رسنیو د رپوټونو پربنسټ، د اسلام آباد سترې محکمې د عمران خان ضمانت د جون مياشتي تر لسمې نیټې غځولی دی.
تردې وړاندې د می میاشتې پر ۱۲مه نېټه د القادر ټرسټ په نوم د فساد په یوه قضیه کې د نوموړي ضمانت د دوو اونیو له پاره منظور شوی ؤ، چې اوس نور هم غځول شوی دی.
رپوټونه زیاتوي چې عمران خان نن د پاکستان د اساسي قانون د ۱۴۴ مادې څخه د سرغړونې په تور قضيه کې محکمې ته احضار شوی ؤ او هلته یې د خپل ضمانت غځولو عریضه وړاندې کړه.
اړوند مطالب:چارواکي: عمران خان او مېرمن ېې ممنوع الخروج اعلان شوي
پر عمران خان تور دی چې د خپلې واکمنۍ پرمهال یې د سیاسي ملاتړ له پاره ځمکه په بډو کې ترلاسه کړې وه. دا ځمکه د القادر ټرسټ ادارې چې مشرې یې د ښاغلي خان مېرمن بشري بي بي کوي ورکړل شوې وه.
دغه راز، پولیسو پر عمران خان د ترهګرۍ تورونه هم درج کړي دي.