په جرمني کي به په کوچني اختر هم محدوديتونه وي
۱۴۰۰ اردیبهشت ۲۲, چهارشنبه
د جرمني ولسمشر فرانک والتر شتاینمایر د روژې میاشتي د پای ته رسیدو په مناسبت یوه ویډیويي پيغام کي وویل: «د کوچني اختر ورځي د خوشالیو ورځي دي او مسلمانان دغه ورځي له خپلو کورنیو او دوستانو سره لمانځي. دا د خواشینۍ ځای دی چي د دوهم وار له پاره دغه اختر د کرونا د پاندیمي د محدودیتونو په سیوري کي لمانځل کیږي.»
په عین حال کي شټاینمایر په آلمان کي له میشتو مسلمانانو څخه مننه وکړه چي د کرونا پاندیمي پر وخت یې د ناامیدي په ښودلو او غونډو جوړولو څخه په تیریدو سره خپل پیوستون ښودلی دی.
شتاینمایر یو وار بیا په دې برخه کي د دسپلین مراعاتولو او تفاهم ښودلو غوښتنه وکړه چي سږنی کوچنی اختر به بیا هم له لږ شمیر دوستانو سره ولمانځل سي. هغه زیاتوي: «په پای کي هیله مند یم چي د واکسین لګولو پروسه په چټکۍ سره پر مخ ولاړه سي تر څو وار بیا حالات د پخوا په شان عادي سي.»
ولسمشر زیاتوي چي په اکثرو مذهبونو کي د روژې د نیولو وخت د پخلایني له افکارو سره تړلی دی. هغه همدارنګه وویل: «زه ددې هیله کوم چي د کرونا پاندیمۍ پر وخت په ګډه ټوله ورڅخه کړیدلي او خراب وختونه په دغه هیواد کي د مذهبي ټولنو او هم هغو خلګو چي هیڅ مذهب نه لري، د نژدې کیدو سبب سي.»
PG/NZ/AG