جرمني: د «آیفل» د مهاجرینو په کمپ کي سخته اورلګیدنه
۱۳۹۹ بهمن ۱۰, جمعه
اعلان
د آیفل سیمي د دغي پخوانۍ عسکري قرارګاه څخه چي په اوس وخت کي د مهاجرینو د یوه کمپ په توګه ترې استفاده کیږي، اور لګیدلی دی. د جرمني په نورد راین ویستفالن ایالت کي د کلا غوندي دغه ودانۍ د بین المللي سره صلیب تر نظارت لاندي ده او اوس پکښي تقریباً ۲۳۰ مهاجرین ژوند کوي.
د پولیسو په حواله د دغي اورلګیدني په سبب ډیری مهاجرین سوځیدلي او ټپيان سوي دي. زياته سوې چي د اورلګیدني علت لا تر اوسه پوري معلوم نه دی، خو اور د کمپ په يوه بلاک کې چې ۲۰ مهاجرین پکښې ژوند کوي، لګيدلی دی. وروسته بیا اور په ډیري چټکۍ سره په ټول کمپ کې خپور شوی.
د مختلفو ناحیو څخه ژغورونکي قواوي دغه کمپ ته رسیدلي او د هغوی تقریبأ ۱۰۰ کسان د اور په وژلو کي مرسته کوي.