تروريزمآلمان
په افغانستان کې د آلماني پوځ یوه بی پيلوټه الوتکه نسکوره شوې
۱۳۹۹ اسفند ۱۶, شنبه
اعلان
د افغانستان په شمال کې د آلمان پوځ د ماموريت پر مهال يوه بې پيلوټه الوتکه لوېدلې ده. د هېرون ۱ ډوله دغه ډرون الوتکه ښايي د تخنيکي عوارضو له کبله د مزار شريف ښار په ختيځ کې په «کنترول شوي ډول» راکوزه کړل شوې وي. دغه خبره د دغه ماموريت د مشرۍ د کومانډو یوه وياند د جمعې په ورځ وکړه چې په وينا يې عسکرو يې اوس د لوېدلې الوتکې ټوټې او په امنيتي لحاظ د مهمو پرزو برخې موندلې دي.
د هېرون ۱ ډوله بې پيلوټه الوتکې په افغانستان کې د څارنې او کشفي فعاليتونو له پاره کارول کيږي. د آلمان پوځ په افغانستان کې د «قاطع ملاتړ» په روزنيز ماموريت کې برخه لري. د سولې د هڅو د ځنډ له کبله معلومه نه ده چې دغه ماموريت به څنګه دوام مومي. خو د آلمان د دفاع وزيرې، آنه ګرېت کامپ کارنباور آلماني عسکر په خپل ناڅاپي سفر کې د تاوتريخوالي زياتېدو ته آماده کړي ول.