بیربوک سعودي عربستان ته د وسلو د لیږلو دفاع وکړه
۱۴۰۱ مهر ۲۴, یکشنبه
خارجه وزيري او د زرغون گوند شريکي رئيسي، بيربوک پرون شنبه ( د اکتوبر میاشتي ۱۵ مه) په بون ښار کي د خپل گوند کنگرې ته وينا وکړه. هغې وویل:«موږ سعودي عربستان ته مستقیمأ وسلې او نور نظامي تجهیزات نه لیږو، چیري چي د بشر حقوق تر پښو لاندي کیږي». ځکه نو هغې او د زرغون حزب څخه د اقتصاد وزیر، روبرت هابیک دپاره یې د دغه ډول یوه تصمیم نیول سخت کار ؤ.
بیربوک ټینګار وکړ، چي »دلته خبره د اروپا د اتحادیې د یوې ګډي پروژې پر پخواني قرارداد باندي وه«. هغې وويل چي دا پخپله هم د دغه ډول اروپايي ګډو پروژو طرفداره ده.
د يادي آلمانۍ سياستوالي په وينا » دغه معامله ډیره ضروري ده، ځکه موږ تر دغي ۱۰۰ ملیارډي یورو معاملې اضافه هم د الماني پوځ دپاره نورو پيسو ته ضرورت لرو.» خو په خبره یې دا هم نه غواړي، چي اجتماعي دولت دي د دفاعي مسایلو معامله او قرباني وګرزي.
اړونده موضوع:ترکیې او سعودي ته د آلمان د وسلو په صادراتو کې ډیروالی راغلی
بیربوک په عین حال کي په اینده کي د یوه دفاعي محدود سیاست وعده ورکړه. هغې د نظامي تجهیزاتو د صادراتو د کنټرول د پلان سوي قانون اعلان وکړ، د کوم پراساس چي به په محدوده اندازه سره وسلې صادریږي.
بیربوک په عین حال کي د دې په مقابل کي هم اعتراض وکړ، چي پر اوکراین باندي د روسیې د تهاجمي جنګ څخه د دې پخاطر سؤ استفاده کیږي، چي په جامعه کي بیره خپره او سره تجزیه سي، د کوم په نتیجه کي به چي مهاجرین تر ټولو ډیر ورڅخه وکړیږي.
آ./م.ق.ن./ا.ا.