سپورتشمالی امریکا
پرتګال د افغانستان د ښځو فوټبال لوبډلي ته پناه ورکړه
۱۴۰۰ شهریور ۳۱, چهارشنبه
اعلان
د افغانستان د ښځو فوټبال د ملي لوبډلي کپتاني فرخونده محتاج د دوشنبې په ورځ اسوشيتيد پريس خبري آژانس ته ويلي ول چي په دغه ګروپ کي چي په پرتګال کي قبولي سوي دي، مجموعأ ۸۰ کسان شامل دي.
هغې ويلي دي چي دغه ټيم د ځینو انفرادي کسانو او امریکايي خیریه سازمانونو په مرسته وکولای سول چي تیره یکشنبه پرتګال ته ځانونه ورسوي.
فرخونده محتاج چي په کاناډا کي ژوند کوي او په تیرو اونیو کي یې د دغو ۱۴ او ۱۶ کلنو ترمنځ نجونو سره په اړيکو کي وه، وویل چي «هغوی خپل کورونه او هرڅه پریښول.»
قدرت ته د طالبانو له رسیدو راهیسي د ښځو فوټبال لوبغاړي نه یوازي سپورټي اینده نه لري، بلکي د ښې مسلکي زده کړي چانسونه یې هم د لاسه ورکړي دي.
دغه افغان فټبالراني غواړي په پرتګال کي هم خپل فټبال ته ادامه ورکړي او یوه ورځ د فټبال د وتلي ستوري کریستیانو رونالدو سره هم وکتلای سي.