ابوظبي د کنیسې، کلیسا او مسجد یو ګډ مرکز پرانیست
۱۴۰۱ بهمن ۳۰, یکشنبه
هغوی د گډي استفادې د کنفرانسونو اطاقونه هم لري. د خلیج ورځپاڼي پرون شنبه خبر ورکړی دی، چي د «ټولو انسانانو د پاره د ورورۍ سند» دغي پروژې کار په ۲۰۱۹ م کال کي د عیسویانو د رهبر، پاپ فرانسیسکو او قاهرې د الازهر پوهنتون د امام، احمد الطیب په امضاوو سره شروع سو.
دغه مرکز به د همدې کال د مارچ میاشتي پراوله نیټه د لیدونکو پرمخ خلاص سي. د متحده عربي اماراتو رییس او ابوظبي امیر، شیخ محمد بن زاید بن سلطان ال نهیان تیره پنجشنبه د دغه مرکز د افتتاح د مراسمو پرمهال متقابل احترام، تفاهم او تنوع د ګډو پرمختګونو د قوت نخښه وبلله. بن زاید وویل، چي متحده امارات د مختلفو اصلیتونو د افرادو د فخره ډکه سابقه لري، کوم چي یو د بل سره همکاري کوي. په ۲۰۲۰ م کال کي اماراتو د اسراییلو سره د سولي یو تړون هم امضأ کړ.
د همدغي ورځپاني په حواله د مختلفو ادیانو ترمنځ د واتیکان د ډیالوگ آمر، کاردینال میگول انگیل ایوسو وویل، چي دغه پروژه د دې د پاره یو مشخص مثال دی، چي څنگه د مختلفو ادیانو پیروان، کلتورونو، عنعناتو او عقیدو درلودونکو انسانانو د پاره حیاتي ارزښت لري، یعني د همنوعانو سره مینه او محبت کول.
پدې ارتباط یو بل مطلب: په متحده عربي اماراتو کې به نور شنبه او یکشنبه رسمي رخصتي وي
د «ابراهیم د کورنۍ کور» طرحه د بریتانوي مهندس، دیوید اجای پواسطه جوړه سوې ده، چي د درو مکعب شکلو ودانیو په ډول یې هره ضلع ۳۰ متره اوږده ده.
دغه درې ودانۍ ظاهرأ سره مشابه دي، خو په هر یوه کي یې د درو ادیانو مذهبي خصوصیات په نظر کي نیول سوي دي. دغه مرکز د ابوظبي په نوې کلتوري ناحیه، جزیره اي سعدیات سیمه کي موقعیت لري.
زموږ د آرشیف څخه یو انځوریز البوم: