سياستیونان
یونان په یوه ورځ کې دغه هیواد ته د ۱۵۰۰ کډوالو مخه نيولې
۱۴۰۱ مرداد ۲۹, شنبه
اعلان
د یونان د اتباعو د ساتنې وزیر تاکیس تیودوریکاکوس د شنبې په ورځ سکای نیوز ته وویل چې د پنجشنبې تر ورځې پورې شاوخوا ۱۵۰۰ مهاجرو یونان ته د رسیدو هڅه کړې ده. پر دې سربېره پولیسو په دې تړاو ۶۰ احتمالي قاچاقبران هم نیولي دي.
اتن په جدي ډول هڅه کوي چې له ترکیې څخه د ځمکې او سمندر له لارې یونان ته د کډوالو د راتګ مخه ونیسي. بشردوستانه سازمانونه دا عمل غیر قانوني بولي.
یوناني چارواکو ویلي دي چې یو زیات شمیر مهاجر چې له سمندري پولو څخه په تیریدو بریالي شوي د ترکیې د ساتونکو له خوا یونان ته رسیدلي دي.
د یونان حکومت غواړي د مهاجرو د زیاتیدو له کبله د دغه هیواد په شمال ختیځ کې له ترکیې سره پوله تقریباً په بشپړه توګه بنده کړي.