په کندهار کي غلچکي برید دوې پولیسي وژلي دي
۱۳۹۸ شهریور ۶, چهارشنبهد کندهار د پولیسو ویاند دوهم څارن جمال ناصر بارکزي نن د چهارشنبې په ورځ دویچه ویله ته وویل چي دواړي پولیسي روبینه او فرزانه د کندهارښار د لومړۍ حوزې په سردار مددخان چوک کي د ناڅرګندو وسله والو لخوا په مرمیو ویشتل سوي او وژل سوي دي.
بریدګر له سیمی تښتیدلي او پولیس يې د نیولو هڅه کوي.
د ده په خبره دواړو پولیسو په ارغنداب ولسوالۍ کي دنده درلوده او غوښتل يې خپلي دندو ته ولاړی سي، چي ویشتل سوی دي.
تراوسه د مسؤلیت په اړه چا څه نه دي ویلي.
دا لومړي وار نه دی چي د کندهار ښار په دغه (لومړۍ ناحيه) کي چي سخت امنيت يې نيول کيږي يعني پر هر کجگر يې د پوليسو تلاښي موجودي دي په غلچي کي بريد کي نامعلوم وسله وال پوليسي وژني.
په ۲۰۱۶م کال کي هم د دغي ناحيې د چوڼۍ په سيمه کي د کندهار د امنيې قوماندانۍ د پاسپورت د څانگي کارمنده فوزيه په سپنه ورځ ووژل سوه.
وسله والو طالبانو څه موده وړاندي گواښ کړی وو چي د افغانستان پر امنيتي ځواکونو به خپلو بريدونو ته زور ورکړي.
محمد ابراهيم سپېڅلی