روغتيا
پر کرونا ویروس د اخته کسانو شمیر درو میلیونو ته نزدې شو
۱۳۹۹ اردیبهشت ۸, دوشنبه
اعلان
د جان هاپکینز پوهنتون د وروستیو شمیرو پر اساس په ټوله نړۍ کې پر کرونا ویروس د اخته کسانو شمیر درو میلیونو ته نزدې شوی دی. د شمیرو له مخې امریکا، هسپانیا، فرانسه، آلمان، بریتانیا، ایران او چین په ترتیب سره په نړۍ کې تر ټولو ډیر د کرونا ویروس پیښې لري.
پر دې سربیره د نړۍ نزدې نیمایي اوسیدونکي اوس په قرنطین کې ژوند کوي.
یوازې په امریکا متحده ایالاتو کې د کوید-۱۹ ناروغۍ له کبله چې د کرونا ویروس په پایله کې رامنځ ته کیږي ۵۴۸۸۰ تنو خپل ژوند له لاسه ورکړی دی. په دې هیواد کې پر دې ویروس د اخته کسانو شمیر هم ۹۶۶ زرو ته رسیږي.
د جان هاپکینز پوهنتون ویلي دي چې اوس په ټوله نړۍ کې د کرونا ویروس د تایید شویو پیښو شمیر ۲ میلیونو او ۹۷۲ زرو ته رسیدلې ده. په ټوله نړۍ کې بیا تر ۲۰۶۶۰۰ ډیرو کسانو د همدې ویروس له کبله خپل ژوند له لاسه ورکړی دی.