په تويتر کي نوې غوغا؛ ترمپ خپل یو فوتاشاپ شوی انځور خپور کړ
۱۳۹۸ آذر ۷, پنجشنبه
اعلان
د امريکا متحده ايالاتو ۷۳ کلن ولسمشر دونالد ترمپ، د چهار شنبې په ورځ خپل داسې يو انځور پر تویتر خپور کړ چي په کي یې سر د یوه سوک وهونکي پر بدن ایښودل شوی دی. ترمپ په دغه انځور کي خپل اندام د هالييود د سينما د نامتو ستوري سيلويستر ستلون، د »راکي ۳« فلم پر یوه انځورو باندې فوتوشاپ کړی دی.
شاوخوا لس ورځي مخکي روغتون ته د ترمپ ناڅاپي ورتگ د هغه د روغتيايي حالت په هکله آوازې خپرې کړې. دغو آوازو ته په غبرگون کي سپينې ماڼۍ اعلان وکړ چي ترمپ يوازي د خپلو ځينو کلنیو معايناتو له پاره روغتون ته تللي وو.
د ترمپ د دې انځور تر خپريدو یوازې يو ساعت وروسته، هغه د تويتر د کاروونکو له خوا څه د پاسه ۳۵ زره وارې شریک شو او نزدې ۱۰۰ زره لايکونه يي واخيستل.