په اتن کې د مهاجرو ستونزي
هغه پناه غوښتونکي په یونان کې بند پاته دي چې په اصلي هیوادونو کې یې جګړه نشته. هغوی ته ۳۰ ورځې وخت ورکول کیږي چې خپل هیواد ته د بیرته تګ او یا هم د توربازار تر منځ یو انتخاب کړي.
یونان ته رسیدلي مهاجر لا هم له ستونزو سره مخ دي
تر سختيو او د سیندونو پر خطرونو سربیره بیا هم د یونان پایتخت اتن ته نږدي پوریس بندري سیمې ته هره ورځ له دوو زرو څخه تر څلور زرو پوري کسان ځانونه رسوي. دې هیواد ته تر رسیدو وروسته مهاجر او کډوال ځان د دې هیواد له حکومت سره ثبتوي او هغوی ته ۳۰ ورځي وخت ورکول کیږي چې په دې موده کې یا له یونان څخه ووځي او یا هم په دې هیواد کې د پناه غوښتنه وکړي.
د یونان په اتن ښار کې بند مهاجر
د بالکان سیمي هیوادونه یوازي افغان، سوریایي او عراقي مهاجرو ته د دې هیوادونو له پولو څخه د تیریدو اجازه ورکوي او له همدې کبله د نورو هیوادونو مهاجر په یونان کې بند پاته دي او غواړي د ۳۰ ورځو په موده کې له دې هیواد څخه ووځي. ډیر شمیر کډوال د اتن ښار په یو لوبغالي کې استوګن دي چې هڅه کوي د قاچاقبرانو په مرسته ځان د اروپایي اتحادیې نورو غړو هیوادو ته ورسوي.
د انساني قاچاقبرانو ګرم بازار
ویکتورس څلورلارې د یونان په اتن ښار کې د انساني قاجاقبرانو مرکز ګرځیدلی دی او د پیسو په بدل کې دا قاچاقبران په جعلي اسنادو جوړولو سره مهاجر د اروپایي اتحادیې نورو غړو هیوادونو ته رسوي. تیره اونۍ له یونان څخه تر اتریش پورې د قاچاقبرانو له خوا د لاري کرایه ۱۵۰۰ یورو وه. خو اوس ځینې قاچاقبران تر سربستان پوري له مهاجرو څخه ۲۰۰۰ یورو اخلي.
د سوریایي تابعیت دعوی
د هرې ورځي په تیریدو سره په یونان کې د بندي پاتو مهاجرو او کډوالو رسمي وخت هم کمیږي. له دې ډلې څخه ډېر یې د ایران او مراکش هیوادونو دي. دوې د لوږي مظاهرې کوي او ځینې یې بیا لیسبوس ټاپو ته ځي او هلته وايي چې له سوریي څخه دي. بیجان مرتضوي چې له ایرانه راغلی دی وایي څلور ملګري یې اوسمهال په لیسبوس کې دي او ځان په غلط نوم ثبتوي.
اضطراري استوګنځایونه
د یونان د مهاجرت چارو وزیر وویل چې دا ستدیوم چې اوسمهال مهاجر پکښې اوسیږي د دیسمبر میاشتې پر ۱۶ نیټه خالي کیږي خو هغه دا و نه ویل چې دا مهاجر به چیرته انتقالیږي.
ناروغۍ او نوي کمپ ته تګ
په دې لوبغالي کې استوګنو مهاجرو له پاره به دوم ځل وي چې ځاې یې بدلیږي، ځکه ډیر مهاجر له مکدونيا سرحد سره نږدي له ادومیني سیمې څخه دې لوبغالي ته راوستل شوي وي. له یو ځاې څخه بل ځاې ته تګ د ناروغیو لامل هم شوی دی.
په اصلي هیواد کې له ژوند څخه ناهيلي
خبریالانو ته اجازه نه ورکول کیږي چې دې لوبغالي ته ولاړ شي خو د لوبغلي وړاندي ډیر خلک له کمرو سره ولاړ وي. له مراکش څخه یو مهاجر وايي: «موږ ښه ژوند او کار غواړو. مراکش له نشه يې توکو او مافیا څخه ډک دی. موږ هغه شان ژوند نه غواړو.»
غلط معلومات
د یکشنبې په ورځ د دې سیمې یو چارواکي وویل چې له مکدونيا سره به خبري وکړي، څو خپلي پولې پرانيزي او له همدي کبله ځیني کورنیو د دې هیواد پر لور مزل پیل کړ خو له خپلو ماشومانو سره په یخنیو کې بند پاته شول.
په اتن ښار کې یوازي
د پولیسو او اصلي هیواد ته د بیا استولو له ویري ځیني مهاجر خپل ملګري او د کورنۍ غړي په اتن ښار کې یوازي پرږدي او خپله نورو هیوادو ته ځي. د سوریي دغه معیوب مهاجر هم له خپلو ملګرو او کورنیو څخه جلا شوی دی.
اوږدمهاله د حل لاره
د یونان ښار له ځینو کمپونو څخه مهاجر ایستل کیږي چې مهاجر یې اندیښمن کړی دي. ماشومان، ښځینه او نارینه د اروپا په یخنیو کې د سختیو شپې سبا کوي او له اروپایي اتحاديي غواړي چې ستونزو ته یې د حل لاره پیدا کړي.