هندوستان
هند: په ریل کې د اور لگیدنې پيښه کې ۹ تنه مړه شوي
۱۴۰۲ شهریور ۴, شنبه
اعلان
د چارواکو په حواله نن د شنبې په ورځ (د اگست میاشتې ۲۶ نیټه) سهار وختي د هند د سویل تامل ناډو ایالت په مدورائې سټیشن کې د یوه ولاړ اورگاډي په یوه ډبه کې هغه وخت اور ولگید چې یوه مسافر ځانته د چای دمولو یا پخولو هڅه کوله.
په کومه ډبه کې چې اورلگیدنه رامنځته شوې ده هغه له اورگاډي سره نښتې نه وه، بلکې دغه ډبه یا برخه د یوه شخصي مسافرتي شرکت له خوا کرایه کړای شوې وه.
په دې اړه د مدورایې ولسوالۍ حکومتي ویاندې سالی تهیلیپاتي د فرانسې خبري آژانس (AFP) ته ویلي دي چې په دې پیښه کې د درو میرمنو په گډون نهه تنه مړه شوي دي. نهه تنه نور ټپیان هم دي چې ټپونه یې سطحي او د انديښنې وړ نه دي.