ناچاودو مرميو سره لوبې ۴ افغان ماشومان وژلي
۱۴۰۱ شهریور ۱۳, یکشنبه
دغه پېښه د افغانستان په هلمند ولايت کې شوې کله چې ماشومانو يوه ناچاودلې مرمۍ وموندله او مدرسې ته يې سره راوړله څو لوبې ورباندې وکړي. دغه خبره د ځايي پوليسو د دفتر په يوه بيان کې راغلې ده. د بیان له مخې دغو کوچنيانو د ۷ تر ۱۴ کاله پورې عمر درلود چې درې تنه نور ماشومان په ياده پېښه کې ژوبل شوي هم دي.
افغانستان د لسيزو اوږدو جګړو څخه کړېدلی هېواد دی او د ماشومانو له پاره يو خطرناک ځای هم بلل کيږي. ماشومان په زړې اوسپنې او کباړو پسې ګرځي څو يې د خپلو کورنيو د ملاتړ په موخه وپلوري.
ډېر ماشومان په افغانستان کې د ناچاودو مرميو له کبله ژوبل کيږي يا وژل کيږي. د معلوماتو له مخې د شنبې ورځې په دې پیښه کې درې ماشومان سمدلاسه ووژل شول او يوې نجلۍ وروسته د لښکرګاه په روغتون کې د اوښتو ټپونو له کبله ساه ورکړه. دغه خبره يوه ځايي ډاکتر چې د نوم د نه ښوولو په شرط یې خبرې کولې، تائيد کړې ده.