روسیه: منځنۍ اسیا ته اصلي ګواښ د افغانستان له استقامته دی
۱۴۰۰ مرداد ۱۵, جمعه
د ترکمنستان ولسمشر تر غونډې مخکې وويل چې په افغانستان د تاوتريخوالي ډيريدو ټول ګاونډيان انديښمن کړي دي.
د ترکمنستان ولسمشر، قربان قلي بردي محمدوف دغه خبرې د ازبکستان پر حکومتي تلویزیون له خپل تاجیک سیال امام علي رحمانوف سره کړې دي. هغه وويل چې »د افغانستان د افغانستان مسئلې موږ ټول انديښمن کړي يو.«
له افغانستان څخه د بهرنيو ځواکونو په وتلو او ورسره جوخت د جګړو په ډيریدلو سره د منځنۍ اسیا هیوادونو او روسيې انديښنې هم زیاتې شوي دي. دې سره روسيې، تاجيکستان او ازبیکستان تیره ورځ د افغانستان سرحد نژدې، ګډ پوځي تمرینات پيل کړي چې د اګست تر ۱۰مې به ادامه ولري.
د روسيې د پوځ لوی درستيز، والري ګرازیموف، په دې اړه ويلي دي: «نن ورځ د منځنې اسيا سيمې ته اصلي ګواښ د افغانستان له استقامته متوجه دی.» هغه ويلي دي چې د دغو پوځي تمریناتو څخه موخه د «تروريستي ګواښونو پر وړاندې ښې مبارزې ته چمتووالی دی.»
طالبانو په وروستيو کې د افغانستان په شمالي ولایتونو کې هم پر مختګونه لرلي دي. د رويټرز په حواله، دغې ډلې په جون میاشت کې په کندز کې له تاجیکستان سره د شيرخان بندر هم ونیوه. خو طالبانو د مخه ويلي دي چې دوی د منځنۍ اسیا په هیوادونو کې کومه طرحه نه لري.
د فرانسې خبري آژانس لیکې چې د منځنۍ آسیا پنځو هیوادونو مشران د ترکمنستان په آوازې ښار کې راټول شوي، خو رويټرز د دغو هیوادونو نومونه نه دي ښودلي. آوازه د ترکمنستان يو سیاحتي ښار دی چې په کسپين بحیره کې پروت دی.
رويټرز/م.ک.ص./ب.ص.