د افغانستان وتلې سندرغاړې قمر ګله په کاناډا کې په حق رسیدلې
۱۴۰۱ آذر ۱۹, شنبه
اعلان
د ننګرهار ولايت په شګې ولسوالۍ کې زېږېدلې هنرمندې قمر ګلې په ماشومتوب کې لا سندرې پيل کړې وې. وروسته يې په کابل کې د افغانستان په ملي رادیو ټلويزيون کې هم ډېرې سندرې وويلې او په تېره د پښتو د کلاسيکې او فلکلوري موسيقۍ په برخه کې ډېره وځلېدله.
په داسې حال کې چې طالبانو په افغانستان کې د ښځو پر فعاليتونو او موسيقۍ باندې بنديزونه لګولي دي، دغه مشهوره سندرغاړې له هېواد څخه لېرې په کاناډا هیواد کې له دنيا څخه وکوچېدله. مېرمن قمر ګلې د افغانستان له يوې زرينې دورې څخه استازيتوب کاوه چې بشري او هنري آزادۍ په افغانستان کې ډېرې وې او افغانانو له موسيقۍ او هنر څخه خوند اخيستلی شوای.