تروريزم
خوږیاڼو کې د سړک غاړې ماین چاودنې ۷ ملکیان وژلي
۱۳۹۸ مرداد ۳, پنجشنبه
اعلان
د ننګرهار ولایت د والي ویاند عطاالله خوږیاڼي وايي، پېښه د د دې ولایت د خوږیاڼو ولسوالۍ د وزیرو سیمې اړوند د سنډلي په نامه ځای کې هغه مهال شوې، چې د یوې کورنۍ غړي له خوازه خېلو سیمې د واده په مراسمو کې د ګډون له پاره روان وو.
د والي ویاند وايي چې په یاده پېښه کې درې نارینه او یوه مېرمن ژوبله ده، چې روغتیايي حالت یې نازک ښودل شوی دی.
د خوږیاڼو ولسوالۍ قومي مشر محمد حسن بیا وايي چې چاودنه د ملک طاهر خان د کورنۍ پر موټر شوې، چې شپږ کسان پکې وژل شوي او اوه نور ژوبل دي. تر اوسه د چاودنې مسئولیت کومې وسله والې ډلې نه دی منلی.
دا په داسې حال کې ده، چې د همدې جولای میاشتې پر ۱۲ نېټه د ننګرهار په پچیراګام ولسوالۍ کې د واده پر مهال یوه ماشوم ځانمرګي بریدګر لږ تر لږه نهه کسان وژلي او له لسو ډېر یې ټپیان کړي وو.
امید دیدار، ننګرهار