جرمني: د اوکراین پر بحران سربیره د مسلکي کسانو کمبود

د لایبنیڅ د اقتصادي تحقیقاتي انستیوت-Ifo او دغه بانک لخوا د مسلکي قواوو کومه نظر سنجي چي تر سره سوې ده، په هغه کي راغلي دي، چي پر اقتصادي خرابو انتظاراتو سربیره، د کومو پراساس چي د نورو کلونو په مقایسه باید لږو کارګرانو ته ضرورت پیدا سوی وای، بیا هم دغه پرابلم تر پخوا غټ سوی دی. 
ددغي نظر سنجۍ پراساس ټول اقتصادي بخشونه ، تر ټولو دمخه خدماتي سکټور د مسلکي کسانو د کمبود سره مخامخ دي. په دغه سکټور کي شرکتونه د ۴۸،۲ فیصده مسلکي پرسونل د کمبود سره مخامخ دي. د ازادو اقتصادي شغلونو په سکټور کي ۴۲،۱ ، په تجارتي سکټور کي ۳۷،۶ او ساختماني سکټور کي ۳۷،۰ فیصده کمبود موجود دی.