تر قرنطين وروسته خوشحالۍ په انځورونو کي

دا چي د امریکا په ډيرو ايالتونه کي اوس هم د کرونا اوج دی، خو هلته بیا هم کوښښ کيږي چي د ټولنيزو محدوديتونو لمن لنډه کړي. د رويترز خبري آژانس دغه انځور ښيي چي د مريلند ايالت په اووشن سيتی ښار کي ماشومان څومره خوشحاله دي.

لبنان د کرونا ويروس د پراختيا د مخنيوي له پاره قوق العاده تدابير اعلان کړي چي د می مياشتي تر ۲۴ مي پوري اعتبار لري. د فرانسي خبري آژانس دغه انځور ښيي چي په بيروت کي د محمد امين په مسجد کي يو روحاني په روژې مياشتي کي له دستکشو سره عبادت کوي.

ډيری اروپايي هيوادونه خپلو وگړو ته لارښوونه کوي چي د کرونا ويروس له کبله نورو هيوادونو ته له سفر کولو څخه ډډه وکړي او د دوبي رخصتۍ پخپل هيواد کي تيري کړي. په انځور کي آلمانی ميړه او ماينه د خپل هيواد يوه ساحل ته تللي دي.

دا په بانکوک کي د اروان شيران (Erawan Shiran) د معبد رقاصې دي. په دغه هيواد کي د کرونا وبا له کبله لگيدلو محدوديتونو تر لږولو وروسته بايد دغه رقصاې د فعاليت پرمهال ماسکونه واغوندي. خو د رقص پرمهال د فاصلې په پام کي نيول ستونزمن کار دی. دغه معبد په ټايلنډ کي هم د ځايي اوسيدونکو او هم د سيلانيانو له پاره ډير محبوبيت لري.

کينيا هيواد اوس له څو بحرانونو سره لاس او گريوان دی: تيز بارانونه د رودونو د ډکيدو او سيلابونو سبب سوي؛ پر زراعت ئې ملخانو يرغل کړی او د کرونا ويروس له کبله رامنځته سوو محدوديتونو د دغه هيواد د اوسېدونکو ژوند تريخ کړی دی.

پر گناهو باندي اعتراف پر کاتوليکانو باندي واجب دي. دغه شان مراسم معمولاً له نورو څخه پټ په يوې تنگي او تاريکي کوټه کي وي، خو د کرونا پرمهال اوس دغه کار بله بڼه اخيستې ده. دلته يو کشيش د فاصلې په رعايتولو سره د پنجرو تر شا اعتراف اخلي.

د پاکستان په لاهور ښار کي د جمعې لمونځ. د لاهور په ستر مسجد کي د فاصلې په مراعتولو سره د جمعې لمونځ کیږي.

د نورو تفريحي اماکنو په شان پارکونه او ژوبڼونه هم د کرونا پر مهال رخصت دي. دا شايد د ژوبڼ د حيواناتو له پاره د آرامۍ فرصت وي. خو په توکيو کي د ابی شيناگاوا پارک مسئولانو د انلاين له پاره د حيواناتو ليدل ممکن کړي دي.

د امريکا په فلوريدا ايالت کي د کرونا پرمهال د «اکرويوگا» ورزش. په دغه ايالت کي هم د کرونا له کبله تر څو اونيو محدوديتونو وروسته اوس پارکونه او د لوبو ځيني ځايونه پرانيستل سوي دي.

د کرونا بحران پرمهال څوک دې ته متوجه نه دی چي سږ کال په اپريل مياشت کي په مرکزي اروپا کي باران نه دی سوی. پايله ئې: ځنگلونه وچ او د يوې جدي وچکالۍ گواښ. دغه انځور د جرمني په لوېديځ کي د ايزرلون ځنگله دی.

د السالوادور جمهوررئيس بايب بوکل په تويتر کي داسي انځورونه خپاره کړي دي چي د کرونا پرمهال د دغه هيواد په محبسونو کي زندانيان ښيي چي بې له فاصلې يو په بل پوري نښتي ناست دي. دغو انځورونو د بشري حقونو مدافعين سخت لړزولي دي.

د سريلانکا په کولومبو کي معمولاً خلک روژه مات په مسجدونو کي کوي، خو د کورنا بحران له کبله ډير خلک دې ته اړ دي چي روژه ماتونه په خپلو کورونو کي وکړي. انځور د رويترز.

د بوسنيا د لامبو اتله اوديچ د کرونا وبا پرمهال هم خپلو تمرينونو ته دوام ورکړی. د اپريل مياشتي پر ۲۳ نېټه اخيستل سوي انځور کي ښوول کيږي چي لامبو بازه په يوه پلاستيکي کمبره کانال کي چي په دوبوج ښار کي يې د خپل نيکه په باغ کي جوړ کړی دی، لامبو وهي.

يوه سړی په هند کي خپلي ريکشا ته د کرونا بڼه ورکړې ده. دي کار د دې له پاره چي څوک په دغه ريکشا کي سفر وکړي، ترې بيريږي او خلکو ته خبر ورکوي چي په خپلو کورونو کي پاته سئ.

سگريت د صحت له پاره تاوان لري. د جرمني په کرفلد ښار کي داسي ماسکونه جوړ سوي دي چي د کرونا ويروس پرمهال هغه څوک ترې کار واخيستلای سي چي سگريت څکوي.

د کرونا ويروس د پراختيا له وجي هر هغه څوک چي له خپلو ښارونو څخه نورو ته په غريبۍ پسې تللي ول هم هلته پاته دي. د هغوی ځيني ئې اوس پر سړکونو بيديږي او خپلو مينو ته د درگرځيدو شپې او ورځي سبا کوي، لکه په دغه انځور کي چي د ليما په پايتخت کي تر باري موټر لاندي بيده دي.