«امربالمعروف او نهې عن المنکر د نظام د پایدارۍ سبب کیږي»
۱۴۰۱ آذر ۲۱, دوشنبه
اعلان
د دې خبر پاڼې په حواله د طالبانو مشر ویلي دي چې «امر بالمعروف او نهې عن المنکر په نظام کې د استحکام او پایدارۍ سبب کیږي.»
طالبانو یو ځل بیا واک ته د رسیدو راهیسې په پرله پسې ډول د خلکو او په ځانګړي توګه د ښځو د ژوندانه په برخه کې محدودیتونه وضع کړي دي. د هغو له ډلې څخه ښوونځي ته له تګ څخه د متوسطې او لیسې دورې د نجونو محرومول او د ښځو پر تګ راتګ او په ټولنه کې د کار کولو محدودیت یي عمده موارد دي.
د طالبانو د امر بالمعروف او نهې عن المنکر اداره د دغو قوانینو د اجرا کولو مسئولیت لري.
سربیره پر دې طالبانو څه موده مخکې د یوه فرمان په صادرولو سره د تصویري رسنیو له ویاندویانو څخه غوښتي و چې پر پرده د ښکاره کیدو پر مهال دې خپل مخونه پټ کړي. اوس په دغه هیواد کې ښځینه ویاندویانې په خپرونو کې له ماسک سره را څرګندیږي.