Цвеќиња за милионите бегалци од Украина
12 март 2022Џиновската бегалска кукла „Малата Амал“ е симболичен претставник на сите деца бегалци, од кои многумина се одвоени од нивните семејства. Амал на арапски јазик значи „надеж“ и сега нејзините молитви се насочени кон луѓето кои страдаат во Украина. „Малата Амал“ положи цвеќе пред украинската амбасада во Лондон за да го привлече вниманието кон маките на луѓето раселени по руската инвазија на Украина.
Според последните официјални информации од Канцеларијата на ОН за миграција повеќе од 2,5 милиони луѓе ја напуштиле Украина од почетокот на војната, а најмалку 1,85 милиони се внатрешно раселени. Бројот на бегалци од Украина во соседните земји секој ден се зголемува за околу 200 илјади и се очекува до крајот на неделата да надмине 3 милиони. Најголем дел од нив над 1,5 милиони пристигнале во Полска. Во Германија пак досега имаат дојдено преку 110 илјади бегалци од Украина.