Германија во очекување на заклетвата на новиот канцелар Шолц

Социјалдемократот Олаф Шолц е единствен кандидат за сојузен канцелар, а за изборот е потребно мнозинство од пратениците во Бундестагот. Од актуелните 736 пратеници, потребни се 369 гласови. Коалицијата од СПД, Зелените и Либералите располага со 416 мандати.

Изборот на канцеларот се врши со тајно гласање.

Олаф Шолц ќе биде четврти канцелар од СПД, по Вили Брант, Хелмут Шмит и Герхард Шредер. ЦДУ досега ги имаше како канцелари Конрад Аденауер, Лудвиг Ерхард, Курт Георг Кисингер и Хелмут Кол, а во изминатите 16 години – Ангела Меркел.