Бесмртниот Трабант
30 април 2021Трабантите беа произведувани во малиот град Цвикау во германската покраина Саксонија, која тогаш беше дел од комунистичка Источна Германија.
Првиот, подбивно наречен „саксонски Порше“ беше произведен на 7 ноември 1957 година, а последниот на на 30 април 1991 година - и тоа во розова боја.
Од фабриката во Цвикау излегоа повеќе од три милиони примероци од автомобилот со двотактен мотор.
Повеќе:
-Фотографија на денот: Летечки трабант
-Фотографија на денот: „Траби“ за полицијата
-Осталгија - романтични сеќавања на ГДР?
На Трабантот често му се предвидуваше изумирање, но, тој едноставнио „одбива“ да замине во историјата. 30 години по крајот на неговото производство, Трабантот сега официјално има статус на олдтајмер во Германија.
Малиот автомобил до ден денес има верна база на љубители, па дури и повеќе од тоа: Во изминатите десет години во Германија се регистрирани дури 3000 реновирани Трабанти.
А бројот на регистрации, но и неговата вредност растат. Трабант во врвна состојба деновиве може да чини околу 10.000 евра.