Советот на Европа го осудува насилството на Косово
30 април 2004Во резолуцијата на Парламентарното Собрание на Советот на Европа, покрај осудата на насилството кое го потресе Косово, се вели дека тоа насилство може да се смета и како етничко чистење на неалбанското население на покраината.
Известувачот, британскиот пратеник, Тони Лојд, нагласи дека “Бранот на етничкото насилство„ кое го зафати Косово, добро покажува дека и покрај бројните напори на меѓународната заедница, ќе треба да се помине уште многу пат пред Косово да стане плуриетничко и демократско општество.
Според Лојд, иако ваквата ситуација се должи пред се на етничкиот национализам, меѓународната заедница сноси свој дел од одговорноста, бидејќи таа дозволи прашањето за Косово да се симне од дневниот ред на светските актуелни прашања, заради другите настани во светот.
Паневропската асамблеа, меѓу другото ги повика косовските политички лидери, преодните административни институции на одговорно однесување во однос на спроведувањето на Планот за апликација “норми за Косово”, исто како и кон децентрализацијата, во што Советот на Европа е активно вклучен.
Ова барање е упатено и до меѓународната администрација на Косово, од која се бара да докаже дека навистина е ангажирана во заштитата на малцинствата. Со предупредување – спроведувањето на планот “норми за Косово”, да не се прави на вештачки начин.
Од српските политичари од покраината се бара нивно повторно и целосно ангажирање во политичкиот процес и враќање во централните и локалните политички институции, од кои се повлекоа.
Во расправата, специјалниот пратеник на Генралниот Секретар на Обединетите Нации за Косово, Хари Холкери, посебно инсистираше да се изведат пред судот одговорните за последните настани, но и за целосната реконструкција на Косово. Според него решението за Косово е интеграцијата, а не сегрегацијата, “Ние сакаме нормите и стандардите на Советот на Европа да бидат почитувани на Косово, односно демократијата и превенеството на правото.„ Што се однесува до финалниот статут на Косово. Работите се совршено јасни. Тоа е утвредно во резолуцијата 1244, одлуката ќе биди донесена на ниво на Советот за безбедност во Обединетите Нации, а ниту во Приштина, ниту во Белград, заврши Холкери.