Некогашните ѕвезди на маки

Свет без смартфони? Речиси незамисливо. Пазарот на смартфони се менува- и изгледа дека големите играчи победуваат. Некои од помалите произведувачи заостануваат и веќе укинуваат работни места.

Производителот на компјутери Леново има намера да отпушти 3000 вработени- зашто на сестринската компанија Моторола не и оди добро со нејзините мартфони. Леново во минатата година од Гугл го купи разнишаниот производител на телефони, за да стане лидер на светскиот пазар- досега неуспешно. Продажбата е намалена за една третина.

Погледајте го видео-прилогот на оваа тема:

ХТЦ од Тајван- на времето ѕвезда меѓу производителите на смартфони- се справува со слични потешкотии. На Тајванците им се разбегуваат муштериите- меѓу другото и поради конкуренцијата од Кина. Последица: рекордни загуби во вториот квартал од годинава. 2000 работни места треба да бидат укинати.

Со пазарот доминираат два смартфон-гиганти: Самсунг во текот на годините се избори за водечката позиција. Уделот на пазарот на Епл и покрај некои осцилации е релативно стабилен. Сега во значење добиваат и некои кинески производители. Меѓутоа нивните удели во пазарот сѐ уште не се ни близу до оние на Самсунг и Епл.

Иако продажбата на смартфони во светот не расте толку брзо. на Самсунг му оди навистина добро. Корејската компанија ги претстави и своите нови модели, неколку недели пред стартот на Саемот за електроника ИФА во Берлин.