САД препорачаа да не се патува во 130 држави во светот

САД им препорачуваат на своите државјани да не патуваат во Северна Македонија поради големата опасност од Ковид-19. Стејт Департментот во понеделникот започна да ја актуелизира листата на земји во кои постои активна закана од коронавирусот и заклучно со денеска на неа се додадени уште 100 држави. Во највисокото, четврто ниво на опасност, освен Северна Македонија се уште и Германија, Обединетото Кралство, Канада, Франција, Мексико, Италија, Шпанија и други. Со тоа, на листата на која не се препорачува патување се опфатени околу 80% од светските држави, или вкупно 131 земја. Досега, САД не препорачуваа патување во само 34 држави во светот.

Од Стејт Департментот за агенцијата Ројтерс објаснуваат дека препораката не се должи на преиспитување на здравствената ситуација во странските држави, туку се работи за промена во системот за препораки кој сега повеќе ќе се потпира врз епидемиолошките проценки на Центарот за контрола и превенција на болести. 
САД притоа имаат строга забрана и за влез во земјата на странски државјани кои доаѓаат од ризични подрачја.