Отплови „панонскиот морнар“

Легендарниот кантавтор Ѓорѓе Балашевиќ почина денеска на 67. годишна возраст. Балканската музичка ѕвезда почина од компликации од Ковид-19 во Клиничкиот центар „Војводина“ во Нови Сад. Српските медиуми јавуваат дека тој пред три дена бил хоспитализиран поради тешко воспаление на белите дробови. 
Балашевиќ е српски пејач, текстописец, писател и актер. Тој е роден на 11 мај 1953 година во Нови Сад. Во неговата музичка кариера беше член на групите „Жетва“ и „Рани мраз“, а во 1982 година  ја за почнува и својата соло кариера.   Покрај музиката, тој како актер се појавува и во неколку телевизиски серии.  Има издадено повеќе албуми со голем број на хитови, коишто се пејат низ сите простори на поранешна Југославија. Балашевиќ важеше за најголем поет меѓу музичарите.