Ноќ што ги промени Париз и светот
Многу детали се се‘ уште непознати. Но, она што е јасно е дека жртви на терористичките напади во Париз, извршени на 13 ноември, се повеќе од 100 луѓе. Слики од една ноќ која најверојатно ќе ги промени Париз и светот.
Први вести
Пријателскиот натпревар меѓу Германија и Франција се‘ уште беше во тек кога агенциите и другите медиуми почнаа да ги пренесуваат првите вести.
Исплашени луѓе
Информациите ги исплашија луѓето во Париз. Од граѓаните беше побарано да не ги напуштаат домовите.
Заложничка драма во „Батаклан“
Во концертната сала „Батаклан“ полицијата нешто пред 1 часот изутрината стави крај на заложничка драма. Таму се одржуваше хеви-метал концерт.
Претседателот во шок
Францускиот претседател Оланд на народот му се обрати во телевизиски говор. Тој го напушти фудбалскиот стадион во паузата на полувремето - агенцијата СИД јави дека Оланд е „однесен на безбедно“.
Навивачи и грачи на стадионот
За тоа време фудбалските навивачи и репрезентативците на Германија и Франција не смееја да го напуштат стадионот. Во внатрешноста на арената се одигруваа драматични сцени.
Повеќемина атентатори
Според извештаите кои стигнуваа во текот на ноќта, станува збор за повеќемина атентатори. Од извори на државното обвинителство се вели дека петмина се убиени. Можно е да има и други соучесници, кои се во бегство.
Стравот на преживеаните
Бројот на загинати е можно да се зголемува. Се зборува за 120 убиени. Преживеаните се во страв.
Зајакнати безбедносни мерки
Безбедносните мерки се зајакнати во меѓународни рамки. Така е и овде, пред францускиот конзулат во Њујорк.
Солидарност ширум светот
One World Trade Center во Њујорк е осветлен во боите на француското знаме. „Ние сме поврзани со францускиот народ со сериозна солидарност“, изјави њујоршкиот гувернер Ендрју Куомо.