НАТО ги зголемува трупите во Авганистан
8 декември 2005
Генералниот секретар на НАТО Шефер изјави дека министрите за надворешни работи се согласиле за зголемувањето на бројот на НАТО трупите во Авганистан од сегашните 10 на 16 илјади. На југот на земјата ќе бидат испратени канадски и британски трупи:
„На тој начин НАТО ќе оперира на три четвртини од територијата на Авганистан. Алијансата ќе биде присутна и на југот од земјата на територија на која има насилства, но не смее да има никакво сомневање: нашите сили ќе располагаат со опрема и ќе бидат поддржувани за работата што треба да ја завршат. Особено важно: тие ќе им донесат мир на луѓето во Авганистан кои многу страдаат„
Во врска со Косово, Шефер изјави:
„НАТО во целост ја поддржува мисијата на претседателот Ахтисари на преговорите за статусот на Косово. И дозволете да го повторам она што веќе го кажав: ако која и да е страна се обиде да употреби сила за да влијае врз политичкиот процес, ќе се соочи со остар одговор на КФОР„.
Пред почетокот на средбата американската министерка за надворешни работи Кондолиза Рајс повторно ги отфрли обвинувањата според кои ЦИА мачела осомничени за тероризам во Европа. „Ниту сме користеле аердодорми, ниту воздушниот простор на Европа за да префрлиме лица во места каде што би биле измачувани.