Мисијата на ОН во Косово

Мисијата на Советот за безбедност на ОН денеска ја завршува посетата на Косово,по што ќе отпатува во Виена, на разговори со специјалниот пратеник на ОН за статусот на покраината,Марти Ахтисари.

Делегацијата ,во која се 15 амбасадори од земјите членки на Советот за безбедност,денеска беше во посета на повеќе места населени со Срби.Вчера мисијата беше во Приштина и Косовска Митровица,а претходно во Белград и во Брисел, за да стекне увид во состојбата пред расправата за статусот на Косово во Советот за безбедност на ОН.