Меѓународни реакции за Косово
8 февруари 2007Американската министерка за надворешни работи Кондолиза Рајс вчера изјави дека Содиентите Американски Држави го поддржуваат брзото решевање на идниот статус на Косово. Во комитетот за надворешни работи на претставничкиот дом, Рајс изјави дека колку повеќе се одолговлекува, толку повеќе растат изгледите за распаѓање на поредокот во покраината. Таа рече дека нејизната земја силно ги поддржува напорите на специјалниот пратеник на Обединетите нации Ахтисари. САД соработуваат со Русија и другите европски земји за да се спроведе неговиот предлог, рече Рајс. Според неа, меѓународната заедница треба да го поддржи исходот од винеските преговори на делегациите на Белград и Приштина на кои ги повика Ахтисари, пред да ја подготви конечната верзија на планот што ќе го достави до Советот за безбедност.
Шефовите на дипломатиите на Австрија и Шведска, Урсула Пласник и Карл Билт ги повикаа вчера лидерите на Србија и Косово да дојдат во Виена на состанокот со Ахтисари и да покажат добра волја во преговорите за неговиот план. „Не очекувам да одржат голема церемонија или да се бакнуваат и прегрнуваат, но двете страни мораат да работат заедно за да се постигне решение со кое ќе можат да живеат„, изјави Билт по средбата со неговата австриска колешка Пласник.
Шефот на УНМИК на Косово Јоахим Рикер во интервју за Дојче веле зборувајќи за личните впечатоци, дали на луѓето на Косово вистина им е до независност изјави:
„Мислам дека тоа е сосем јасно. Тоа е она што го сака мнозинството иако сите гледаат дека тоа нема автоматски да ги реши сите проблеми. Проблемите на економски и социјален план бараат време, но тоа е вистинската претпоставка за напредок не само во натамошната интеграција на малцинствата, на пример на косовските Срби, туку и на економски план„. Инаку Рикер и Ахтисари денеска во Њујорк ќе разговараат со новиот генерален секретар на Обединетите нации Бан Ки Мун. Косово ќе биде тема и на денешната средба на министрите за одбрана на НАТО во Севилја. Според зборовите на високи претставници на НАТО во Брисел, тоа ја вклучува обврската на алијансата да ги засили подготовките за улогата по решавањето на статусот на Косово. Како што се вели, министрите ќе ја потврдат решеноста да се зачува безбедноста на Косово во текот на претстојниот чувствителен период кога ќе се решава конечниот статус.