„Легендарниот“ Вардар

„Ова е приказна, која да ја бевте напишале, луѓето немаше да ви веруваат“. Оваа реченица на Твитер-профилот на Европската ракометна федерација - ЕХФ, најдобро ги опишува патот и начинот на кој македонскиот ракометен шампион повторно се искачи на тронот на Европа. ЕХФ притоа му се заблагодари на Вардар и за, како што рече, легендарниот настап во Келн.

Ракометарите од Скопје направија чудо во полуфиналето против фаворизираната Барселона и одиграа шампионски во финалето против унгарскиот Веспрем.

Победата од 27:24 предизвика ерупција на емоции на теренот и на трибините и значеше втора европска титула за Вардар во последните три години.

Потсетуваме на незаборавните моменти од Келн преку следнава фотогалерија: