Косовските Срби одлучуваат за барикадите
9 август 2011Реклама
Косовските Срби денеска ќе одржат Собрание, на кое треба да одлучат дали ќе го почитуваат постигнатиот договор меѓу КФОР и српската влада за контрола на спорните гранични премини. Прва точка на седницата е прашањето на барикадите, кои веќе 15 дена се поставени на локалните патишта на северот на Косово. Делегација на косовските Срби во неделата на средба со српскиот претседател Борис Тадиќ се согласи да го прифати договорот со КФОР.
Главниот преговарач на Белград, Борислав Стефановиќ вчера најави дека техничките преговори со Приштина ќе продолжат на 5 септември под покровителство на ЕУ.
Автор: БГ/ТТ/бета
Редактор: Горан Чутаноски