Извонредната „бубачка“
Од националсоцијалистички голем проект до автомобилско светско чудо: Пред 80 години Хитлер го постави темелот за производство на Фолксвагеновата „бубачка“ во Долна Саксонија. И, „бубачката“ вози, и вози, и вози...
„Фиреровиот“ народен автомобил
Големиот проект „мобилизација на масите“: Хитлер и прототипот на неговиот „Фолскваген“ (во превод народен автомобил, н.з.) при поставувањето на темелите на фабриката на Фолксваген во близина на Фалерслебен, на 26 мај 1938 година. За конструкторот Фердинанд Порше со тоа почна подемот кон светски бренд.
Конверзија во теренско воено возило
Армијата имаше предност: за Хитлеровите воени походи Фолксвагенот беше преправен во теренско воено возило. Автомобилот тежок 950 килограми се докажа на фронтот. За време на походот во Русија генералот Мантојфел (напред на фотографијата) со својот тим го вади возилото од кал.
Повторно сме некој и нешто
Само 10 години по крајот на Втората светска војна, од фабричката лента во Волфсбург, на 5 август 1955 година, излегува милионитиот примерок на „бубачката“. Автомобилот со „грпка“ станува симбол на германското економско чудо.
Татко, мајка, дете, „бубачка“
Визијата за народно возило, во кое ќе има место за четворица, кое ќе биде сигурно и поволно, потекнува уште од најраните времиња на производството на автомобилот. Во 1960-тите овој сон се остварува за многу семејства. Моделот VW 1200 со подвижен покрив овозможуваше и здив летна свежина.
Од асфалт на нива
Не мора да е трактор: „бубачката“ се докажа и во земјоделството. Благодарение на задниот погон возилото се пробива на нивите и со закачениот плуг им ја олеснува тешката работа на земјоделците во 1950-тите.
Веќе не вози
Крај на една ера: на 1 јули 1974 година во фабриката на Фолксваген во Волфсбург од фабричката лента излезе последната „бубачка“ произведена во Германија. Нејзиниот број: 11.916.519. Производството на Фолксваген продолжува во Мексико и Бразил.
Љубовен од глава до пети
Viva el Vocho! Да живее мексиканската „бубачка“! Во Пуебла автомобилот се произведуваше до 30 јули 2003 година. Вработените во „Фолксваген де Мексико“ кои правеа свадба, на венчање беа возени со челичната „Свадбена бубачка“.
Од народно до светско возило
Производството продолжи и во други земји во светот, како Јужноафриканската Република, Белгија, Австралија и Индонезија. Од народното возило за Германците се стигна до возило за сите. Речиси 22 милиони примероци беа произведени и продадени ширум светот. Во многу земји, како на фотографијата во Египет, „бубачката“ се вози сѐ уште.
Ново со ретро-дизајн
За носталгичари и фанови: во 1998 година Фолксваген на пазарот ја извади новата „бубачка“ - тип 9Ц. Возилото со ретро-дизајн имаше „грпка“ и фарови како оригиналот на Фердинанд Порше, но цената беше далеку од првичниот модел.