Иднината на Косово во Ругова
27 јануари 2006Тоа до сега беше токму починатиот Претседател Ибрахим Ругова, околу чиј наследник за сега ништо не е познато. Околу тоа мора прво да најдат заедничко решение другите лидери на косовските партии. Предвиденото темпо на преговорите околу децентрализацијата и потоа околу конечниот статус на Косово во голема мера ќе зависи од нивната брзина и вичност. При тоа важно прашање и тоа кој ќе го наследи Ругова на чело на најголемата партија во владеачката коалиција, Демократската Лига на Косово.
Неџат Даци, кој како Претесдател на Парламентот ја врши сега и функцијата Претседател на државата, се обидува да ги растера стравовите оти сега ќе дојде до политички вакуум на Косово:
„Демократската Лига на Косово нема да си го дозволи луксузот на внатрешни делби и слабеење. Напротив личноста и делото на Претседателот Ругова ќе останат од решавачка важност за духот на оваа партија и немам никаква причина да не бидам оптимист.„
Но, Фран Лотар Алтман од германската Фондација за наука и политика, смета дека не е исклучена можноста од избувнување борби за моќ во редовите на партијата околу тоа кој ќе ја преземе лидерската функција, па и улогата Претседател на Косово.
„Тоа може под одредени околности да значи и распад на владеаката коалиција, што пак од своја страна може да води кон нови избори по кои е тешко да се предвиди новата распределба на силите.„
Таквата подолга фаза на несигурност може да ги загрози преговорите за статусот на Косово. Таму има и такви сили, кои веќе сега се залагаат против преговори меѓу Белград и Приштина. Наместотоа според ова студентско движење Косово треба да донесе еднострана декларација за независност. Политичките партии се‘ се придржуваат до планот за водење преговори, но Алтман смета дека тоа може и да се измени:
„Одложувањето од неколку недели не би требало да предизвика проблеми. Но, потешкотии може да предизвика промената на политичката карта на Косово и засилувањето на радикалните сили доколку се наѕира подолготрајно одложување на преговорите.„
Тоа би им одговарало и на Србите, смета Никола Радаш, публицист од магазинот „Дијалог за Косово„:
„Косовските Албанци наследија политички тестамент од Ругова. Нема да има политичар на Косово кому ќе му падне на памет да се откаже од таквиот тестамент. Кој и да дојде на местото на Ругова, за српската страна тоа не е толку важно. Но, кога би се прашувале Србите, тие би го одложиле донесувањето на конечната одлука што е можно повеќе.„