И Шпанија ја надмина Кина по бројот на починати од Ковид-19

Според најновите податоци соопштени од страна на министерството за здравство во Мадрид бројката на починати од Ковид-19 се зголемила на 3434. Тоа е пораст од 27 проценти во однос на вчерашниот ден.

Со новите црни бројки Шпанија ја престигна Кина и стана втора земја во светот по бројот на починати од новиот коронавирус, веднаш зад Италија, во која според податоците на американскиот универзитет Џонс Хопкинс досега починале 6820 луѓе. Во кина пак бројот на починати изнесува 3285.

Инаку вкупниот број на инфицирани од коронавирусот во Шпанија се искачи на близу 48 илјади, додека вчера тој број изнесуваше околу 40 илјади луѓе.

Повеќе:

-Шпанија: Рекорден број новозаразени и починати за 24 часа

-Фотографија на денот: Коронавирус: Сакам да останеш дома!Шпанија од карантин ѝ ја отвори вратата на Северна Македонија во НАТО

-

Главниот шпански епидемиолог Фернандо Симон изјави дека по објавувањето на новите загрижувачки бројки очекува дека бројот на случаи на болеста Ковид-19 ќе продолжи да расте и во наредните денови. 

Во Шпанија веќе 11 дена во сила е вонредна состојба со забрана за излегување.

 

Сите текстови, видеа и фотогалерии за коронавирусот на едно место

Лидерите на ЕУ во меѓувреме изразија солидарност со Шпанија која се бори со ескалирачката криза со коронавирусот. „Сакам да знаете дека работиме неуморно за да ви помогнеме - вие не сте сами“, порача претседателката на Европската комисија Урсула фон дер Лејен на Твитер.

Шефот на Советот, Шарл Мишел, во отворено писмо до Шпанија порача: „Европа стои во ваша страна во целосна солидарност и ние нема да штедиме никакви напори за да ви помогнеме“.