Дали е ова најскапата маска во светот?

Можеби најскапата заштитна маска во светот ја  изработува израелската компанија за накит Ивел,  и има огромна цена.

 Исак Леви, дизајнер и сопственик на Ивел открива повеќе детали за неа: „Изработена е од 18 каратно бело злато, со 3.600 камења, црни и бели дијаманти, за цена од 1,5 милиони долари“. 

Откако ќе биде заврши, во неа може да се стави филтер Н99, кој доколку маската правилно се носи обезбедува речиси стопроцентна заштита од коронавирусот. 

Повеќе:Фотографија на денот: Златна заштита од Ковид-19

„Никогаш не сте виделе нешто слично, поставувањето на многу дијаманти е малку стресно, но ќе успееме“, вели Безалел Купер, вработен во Ивел.

Од компанијата велат дека маската е нарачана од кинески бизнисмен кој живее во САД. 
Но, блескавата заштитна маска, веројатно нема да биде многу практична за носење, бидејќи се очекува да тежи 270 грама.