Маригона Комани е млада виолончелистка од Косово. За разлика од повеќето нејзини врсници, таа во светот на музиката влегла многу подоцна, на 16-годишна возраст:
„Морав да се потрудам за да успеам, но на крајот - многу сум задоволна од резултатите“, вели Маригона.
Оваа година таа за првпат му се приклучи на Младинскиот оркестар на Западен Балкан:
„Главната работа за која сум тука е секако музиката, да стекнам повеќе искуство и да свирам со други млади музичари.“
Преку едномесечната турнеја со оркестарот, таа имаше можност за првпат да ја посети Србија. Но, таа и нејзините сонародници од Косово имале проблеми при преминувањето на границата:
„Немав многу време за обиколка на градот, бидејќи бевме многу зафатени со проби, а и стигнавме доцна, бидејќи како Албанци од Косово имавме проблеми на границата. Не можевме преку Црна Гора да влеземе во Србија, па моравме да преминеме преку Косово и да ја поминеме границата кај Мердаре. Така што за нас патот до Србија беше долг“, раскажува Маригона.
Според неа, во самиот оркестар младите не разговараат за политика. Сите дошле со иста цел - свирење и дружење:
„Мислам дека луѓето што ги знам од овде ќе ги познавам уште долго, долго време.“