Одбрана на зеленилото од окупацијата на возила - со акција Центарот за современи уметности Скопје отвoра уште еден проблем на градот:
„Скопје е град кој што има малку паркови, а уште помалку отворени зелени површини, тие така и се водат. И тие отворени зелени површини се узурпираат за паркинзи, што е прво лошо затоа што се губи амбиенталната вредност на градот. Меѓутоа позадината на дивите паркинзи, кога ќе се одомаќинат долго време, може да значи дека ете, тој простор не им треба на граѓаните, не им треба парк, ајде ќе им ставиме градежна маркица. Ако се бориме да си ги одржиме зелените површини, да ги користиме зелените површини, многу полесно ќе се справуваме со урбаната мафија“, убеден е Никола Писарев.
Како проблемите се тематизираат со интервенции во простор, на креативен начин, погледнете во видеото.