Њу Орлеанс: Последен во серијата смртоносни напади со возила

Нападот во Њу Орлеанс на новогодишната ноќ е најновиот во долгата низа случаи во кој возила беа користени како смртоносно оружје. Германија и Кина доживеаја слични напади во последните месеци.

Њу Орлеанс, САД, 1 јануари 2025 година

Вооружен маж влета со возило во толпа луѓе за време на новогодишната прослава во Њу Орлеанс, убивајќи 15, а повреди десетици луѓе. Федералното истражно биро на САД (ФБИ) соопшти дека го истражува инцидентот како терористички чин. Набрзо по нападот, кој се случи околу 3 часот и 15 минути, возачот загина во престрелка со полицијата.

Магдебург, Германија, 20 декември 2024 година

Пет лица загинаа, а повеќе од 200 се повредени кога маж влета со изнајмено БМВ на божиќен панаѓур во Магдебург во источна Германија. Осомничениот, кој е уапсен на лице место, е 50-годишен лекар со потекло од Саудиска Арабија, кој, како што пренесуваат медиумите, претходно искажувал антимуслимански ставови и ја поддржувал крајнодесничарската партија АфД.

Жухаи, Кина, 11 ноември 2024 година

62-годишен возач влета со мал џип во луѓе кои вежбале во спортски комплекс во јужниот кинески град Жухаи, при што загинаа 35 луѓе во најсмртоносното масовно убиство во земјата во последните години. Властите соопштија дека сторителот бил вознемирен поради неговиот развод, но објавија уште неколку детали за неговиот мотив. Повредени се уште 43 лица. Напаѓачот е уапсен и осуден на смрт во декември.

Лондон, Канада, 6 јуни 2021 година

Четворица членови на муслиманско семејство кои биле излезени на прошетка беа убиени кога напаѓачот ги удрил со пикап. Канадскиот премиер Џастин Трудо го нарече „терористички напад мотивиран од омраза“. Потоа, 23-годишниот напаѓач, белец и националист, како што се наведува, е осуден на доживотен затвор.

Торонто, Канада, 23 април 2018 година

25-годишен Канаѓанец влета со изнајмено комбе во пешаци, главно жени, на главната сообраќајница во Торонто, при што уби десет, а повреди 16 лица. Тој ѝ рекол на полицијата дека припаѓа на онлајн заедницата „инсел“, заедница на сексуално фрустрирани мажи. Тој е осуден на доживотен затвор без можност за условено пуштање на слобода.

Њујорк, САД, 31 октомври 2017 година

Државјанин на Узбекистан уби осум и тешко повреди 12 лица кога со изнајмен пикап влета на велосипедска патека во Њујорк. Тој бил поттикнат од повикот на Исламска држава за акција и беше осуден на осум последователни доживотни затворски казни, плус дополнителни 260 години затвор.

Барселона, Шпанија, 17 август 2017 година

Маж возејќи комбе влета во луѓе на преполната Ла Рамбла во Барселона, убивајќи 14 и рани уште многу луѓе.

Исламска држава ја презеде одговорноста за нападот, а членовите на истата ќелија извршија сличен напад со возила во блиското одморалиште Камбрилс пред да бидат убиени од полицијата. Сторителот на нападот во Барселона беше убиен од полицијата на 21 август, откако неколку дена беше во бегство.

Шарлотсвил, САД, 12 август 2017 година

Белиот супремист намерно влета со својот автомобил во толпата демонстранти кои се противеа на митингот „Обединете ја десницата“, убивајќи една жена, а рани десетици. Тој е осуден на доживотен затвор без можност за условно пуштање на слобода.

Лондон, Велика Британија, март до јуни 2017 година

Во 2017 година, во британската престолнина беа регистрирани голем број напади со возила. Започнаа на 22 март, кога 52-годишен маж, роден во Британија, со џип влета во луѓе на мостот Вестминстер, убивајќи четворица, а потоа избоде полицаец до смрт. Сторителот - кој бил преобратен во ислам - тврдел дека води џихад како одмазда за западните воени акции во муслиманските земји. Тој беше убиен.

На 3 јуни, тројца исламистички напаѓачи влетаа со комбе во пешаци на Лондонскиот мост, а потоа избодеа луѓе на пазарот Бороу. Осум лица загинаа, а полицијата ги уби напаѓачите.

Подоцна истиот месец, на 19 јуни, 47-годишен маж, радикализиран од екстремно десничарски идеи, влета со комбе во верниците пред џамијата во областа Финсбери Парк во Лондон, убивајќи еден маж, а рани 15.

Мелбурн, Австралија, 20 јануари 2017 година

Шест лица загинаа, а повеќе од 30 беа повредени кога автомобил влета во толпа за време на ручек во пешачки центар во Мелбурн, вториот по големина град во Австралија. Утврдено е дека сторителот бил во состојба на психоза предизвикана од дрога.

Берлин, Германија, 19 декември 2016 година

Одбиен барател на азил од Тунис влета со украден камион на божиќен панаѓур во германската престолнина, при што уби 13, а рани десетици лица. Напаѓачот беше убиен неколку дена подоцна во престрелка во Италија. Одговорноста за нападот ја презеде милитантната група Исламска држава.

Ница, Франција, 14 јули 2016 година

Државјанин на Франција, роден во Тунис, изнајмениот камион го возеше речиси два километри покрај шеталиштето покрај морето преполно со туристи. Во нападот на одморалиштето на француската ривиера, што се случи на празникот Денот на Бастилја, загинаа 86 лица. Тоа е најсмртоносното злосторство од ваков вид.