Новите лица на Balkan Booster

„Ако не пронајдам пат, тогаш сама ќе го направам“, е мотото на Викторија (лево), веќе искусна ТВ-новинарка од Скопје, која сака книги и музика. Низ Balkan Booster-авантурата таа нема да оди сама, па наоѓањето на патот ќе биде многу полесно! Мелиса е новинарка од Тирана, чие мото е „Мисли позитивно“ и која со насмевка ја започнува својата работа на нераскажаните приказни од регионот.

Марија (десно) е новинарка од Бар која има две страсти: борба за правда и пишување, а за себе вели дека е феминистка и голем обожавател на Хари Потер. Не сме сигурни кој го искористи волшебното стапче за да ја поврзе со новинарката Брунилда од Тирана, бидејќи токму таа цврсто верува дека ништо не се случува случајно. Во Balkan Booster, Бруна сака да им даде глас на обичните луѓе и нивните приказни

Сонот на Марко да работи на радио му се оствари, но тој сега има друга желба: да докаже дека новинарството ги зближува луѓето, не ги разделува! Овој новосаѓанин ќе се обиде во тоа заедно со својата партнерка Меридијана од Приштина. Оваа 21-годишна новинарка сака анатомија и новели, а во проектот Balkan Booster влегува со љубов кон динамиката и предизвиците на новинарската работа на терен.

Новинарство и мултимедија- тоа е добитна комбинација! Барем според актуелните трендови на социјалните мрежи. Новинарот Борјан од Скопје (десно) и студентот Абдулах од Сараево ги имаат токму тие алатки в раце. Покрај новинарството, Борјан сака и спорт, политика и видео игри, додека Абдулах секогаш во сѐ пронаоѓа хармонија. Од нив не очекуваме ништо помалку од тоа да бидат хармоничен новинарски тим!

Арбнора (лево) не е почетник кога се зборува за работа зад камерата. Таа за медиумите во Скопје веќе извесно време вредно фотографира важни случувања. Сузана, пак, е секогаш пред камерите. Сакала да стане актерка, но животот сепак ја „фрлил“ во новинарските води, во кои денес плива со леснотија. Двете ќе ги вкрстат вештините и заедно ќе раскажуваат важни приказни од Подгорица и Косово

Новинарот и телевизиски водител Лазар од Белград секојдневно следи што се случува во светот на науката и технологијата, а во слободното време сака да чита и пишува поезија. Неговата тандем-партнерка Семра од Сараево сака поезија, но и уметност и фудбал, а целта ѝ е да остави трага во животот, бидејќи, како што вели, „имаме само еден живот, па зошто да не направиме чудо што вреди да се раскаже“.