Најубавите пејзажи во Европа

Со малку среќа, во североисточна Финска можете да забележите кафеави мечки, волци или лосови. Со своите зимзелени шуми и кристално чистите езера, националниот парк е идеален за сите што ги ценат идиличното изолирање и недопрената дивина.

И овде туристите се далеку од метежот и вревата на градот. Огромната и целосно ненаселена област во Шведска, со планини високи преку 2000 метри, речиси 100 глечери, диви порои и тесни клисури, е рај за авантуристите. Понекогаш овде може да се видат познатите поларни светла. Може да се оди дури и на диво кампување.

Јотунхајмен, што значи „дом на џиновите“, е највисокиот планински венец во Норвешка. Љубителите на нордиската митологија и дивите пејзажи тука ќе уживаат. Вреди да се види и смарагдно зеленото езеро Гјендезе. Глечерните седименти му даваат на езерото невообичаено интензивна боја.

Со карпи од песочник и кривулести шумски патеки, Елпските песочни планини нудат разновидност и авантура. Добар поглед на околниот пејзаж се отвора од Хоер Шнеберг, највисоката планина во регионот во чешкиот дел на Елпските пасочни планини.

Германско-белгискиот парк на природата Хоес Вен опфаќа широк мочурлив предел кој инаку се наоѓа само на повисоки географски широчини. Може да се истражи со користење на определени патчиња и дрвени патеки. Натпросечните количества на врнежи и високата влажност овозможуваат овде да има уникатна флора.

Најголемиот и најстар национален парк во Хрватска не без причина се нарекува „зелена ризница“. Областа вклучува 16 големи и мали езера кои се нанижани едно на друго како бисери. Овде можете да се восхитувате на познатите водопади кои можат да се видат во старите филмови на Карл Меј.

Скадарското Езеро е по површина најголемото езеро на Балканскиот Полуостров, иако неговата точна површина варира во зависност од сезоната. Овде може да правите тури со брод и екскурзии до манастирските острови Бешка, Горчија и Марачник или да им се восхитувате на птиците преселници кои го користат природниот пејзаж како место за одмор и размножување.

Националниот парк Чинкве Тере е меѓународно познат по своите пешачки патеки и живописните рибарски села. Лоциран на брегот на Лигурија, националниот парк, кој е дел од светското наследство на УНЕСКО, нуди широк спектар на можности за разгледување, релаксација и планинарење.

Националниот парк Каланк се наоѓа недалеку од јужната француска метропола Марсеј. Крајбрежниот пејзаж импресионира со заливите слични на фјордови и спектакуларните варовнички формации кои стрмно се спуштаат до Средоземното Море. Во овој единствен екосистем се развиле растителни видови како што е „Саблин де Марсеј“, какви што не може да се најдат никаде на друго место во светот.

Националниот парк во шпанскиот дел на Пиринеите, кој е прогласен за светско наследство на УНЕСКО во 1997 година, е испресечен со длабоки клисури и уникатни карпести формации. Покрај планинските потоци и буковите шуми, тука може да се откријат и многу различни видови птици.