Сок од трендафил и охридска цреша или слатко од смокви е дел од менито за добредојде. Обичаи кои денес ги нема во домовите, а ги чува необичното кафуле „Форт“, кое во суштина е колекционер на градската охридска традиција.
„Градската приказна на Охрид е стариот град. Пречекување на гости со домашно слатко за добредојде, со охридските визити, сето тоа е презентирано во кристални стари садови. Сакавме да го презентираме Охрид каков што е, каков што бил и каков што треба да е, на сите македонски туристи и странски туристи“, вели Оливер Цепенковски.
Илјадниците предмети се времеплов за сите туристи. А настаните како Охридска визита или Охридска софра со староградска музика на охридските тајфи се нематеријалното богатство кое на овој начин живее:
„Сето ова што е во „Форт“ се наши фамилијарни работи, тоа се 4 генерации. Од телевизори, чаши, плакари, радија. Некои елементи се и по 100 години. Имаме и фамилијарна колекција на часовници. Едноставно кажано, 'Форт' е фамилијарен мини музеј за странските туристи.“
Повеќе во видеото!