Германија: Безредија на Хеловин
1 ноември 2023Во Хамбург околу 300 млади луѓе се собрале во квартот Харбург и фрлале со пиротехнички материјали кон полицијата. Полицајците употребиле водени топови за да се справат со ситуацијата. Како што се вели, состојбата не излегла од контрола. Уапсени се повеќе лица. Нејасно е дали во судирите има повредени. Во квартот Луруп дошло до судири, во кои, според полициски наводи, учествувале околу 50 лица. Тие исто така палеле пиротехнички материјали, оштетиле излог на продавница и запалиле контејнер.
Во Берлин минувачи и полицајци исто така биле гаѓани со притехнички материјали, соопшти полицијата. „Некој не сфатил што е Хеловин. Првите полициски пријави се веќе напишани“, се вели од полицијата.
Во Франкфурт покрај пиротехника, било гаѓано и со јајца, но без поголеми последици.