Минута молк за кралицата Елизабета Втора

Британската премиерка Лиз Трас и нејзиниот сопруг Хју О'Лири со минута молк пред Даунинг стрит 10 во Лондон ѝ оддаваат почит на кралицата Елизабета Втора.

Кралицата треба да биде погребана денеска, една и пол недела по нејзината смрт. Ковчегот прво ќе биде однесен во Вестминстерската опатија, каде ќе се одржи комеморација, на која ќе присуствуваат голем број шефови на држави или влади од светот. Според изјава на поранешниот надбискуп Џон Сентаму за Би-Би-Си, Кралицата посакувала комеморација која „не е здодевна“. Подоцна Елизабета Втора ќе биде закопана во капелата во дворецот Виндзор, до нејзиниот сопруг, принцот Филип.