До 3000 резервисти од САД може да бидат испратени во Европа

Американскиот претседател Џо Бајден го овласти Пентагон да мобилизира до 3.000 резервисти на американската војска за ангажман во Европа, соопшти Белата куќа.

„Ги овластувам државниот секретар, секретарот за домашна безбедност и крајбрежната стража, кога не дејствуваат како служба во морнарицата, да наредат на активна должност на која било единица или поединечен член кој не е распореден никаде, да биде во служба на Командата на војската на САД во Европа. Тој број не треба да надминува 3.000 војници“, стои во наредбата Бајден. 

Исто така, од тие војници, околу 450 од поединечните резервни сили ќе бидат распоредени во Европската команда на САД. Неопходно е зајакнување на активните вооружени сили за извршување на мисијата „Атлантска решителност“, се вели во наредбата што ја потпиша претседателот Џо Бајден. Армијата на САД ја започна мисијата по илегалната анексија на Крим од страна на Русија во 2014 година, со цел да ги зајакне сојузниците на НАТО со ротирање на борбено подготвени единици на источното крило на Алијансата. 

НАТО никогаш посилен

Оваа одлука доаѓа по европската турнеја на Бајден неделава, на која ги посети Велика Британија и Финска, а меѓу тие две посети учествуваше и на самитот на НАТО во Литванија.

На средбата со лидерите на нордиските земји во Хелсинки, американскиот претседател изјави дека НАТО никогаш не бил посилен.

За време на средбата Бајден ги поддржа лидерите на нордиските земји да ја покаже сѐ поголемата моќ и влијанието на НАТО против растечката закана од Русија.

„Гледаме целосна промена во европската безбедносна структура како резултат на потезите на Русија, а нордиските земји се приближија кон Западот како одговор на руските агресивни и дестабилизирачки акции“, соопшти Белата куќа по состанокот.